نار أهل الشر
يا أهل الشر بتقتلوا فينا
وتقولوا ده كلام نبينا
يا اهل الشر احنا اصطفينا
وإيد محمد على كتف مينا
والكل واحد على ارض سينا
والكل راكب نفس السفينة
وأوعوا تنسوا إن ربنا حامينا
ومش هيحكم ظالم فينا
وابني اللي راح على ارض سينا
هو شهيد وانتم أعادينا
ونار الفراق الأيده فينا
هتطفي والشهيد بيشفع فينا
وياخدنا صحبة في صحبة نبينا
بس نار في القلب أيده
أقوى من نار الشمس
وأنتظاري مالوش فايدة
مش ممكن يعود الأمس
وعيوني مش شايفة
وخسرت حتى اللمس
يا دنيا كفاية أسوة
كفاية فينا دهس
نسينا كل رغبة
وسعرنا فيك بخس
خدتي الغالي سهوة
من غير ولا صوت ولا حس
واللي مصبرنا النهاردة
إيمان في قلوب بتحس
اما انتم يا اهل الشر
قلوبكم اصبحت جبس
بقلمى/ محمد عبدالعزيز دراز
ليست هناك تعليقات:
إرسال تعليق