///// حبيبتي
لاول مره هعلنها بصوت عالي
علي الملأ لكل الناس
لاول مره راح اقولها بقلب
مروي بالاحساس
انا صحيح عاشقك وقلبي
رسمته علي توبك
انا من بين كل البشر قدرك وبتحمل
صدك وهجرك وغرورك وهروبك
انا اللي رويت جفنك بأشواقي وبتأمل
طريقي المسدود جوه في عيونك
انا عيشتك دفا حلمك وقريت سطور
الهجر وظنونك
انا رضيت اكون ملاح بلا مجداف
في بحورك
وما غرقت بين الموج عشان قلبي
الصادق
ولا هزتني من صدقي في لحظه الريح
رغم اني كنت جريح
لكن عاشق دايب صبابه في هواكي
واتعجل ساعات الليل واكون لو
بالكلام جنبك
تاخدني حيرتي لسيرتك اذا فكرت
في الاوجاع
والاقي خيالي شايل صورتك بيحميها
خايف في لحظه تقولي وداع
لاول مره يعرفها مني النهارده كل الناس
انا المدمن اللي شربك خمر روي قلبه
انا اللي كان الصدق في عشقك حبيبتي
عظيم ذنبه
واتحرق جوفه من هجرك بنار الكاس
انا اللي كنت في غفوتك حلمك
بكلمة صدق بناديلك
انا اللي شقيت زي البرق ظلام ليلك
وبكره دموعك ياغاليه هي اللي هتجيلي
بنار هجرك ندمانه هحكيلها وتحكيلي
عن سنين الصدق اللي معاكي قضتيها
عن جنه بالحب كنت بنيتها
ومن النهارده صدقيني مش هتبقي
لقلبي انتي
حتي لو لقيتك جايه تبكي وتصرخي
وتقولي ندمتي
كانت كل احلامي في الهوي عباره عنك
كل الحب عيشته فيكي
حتي نفسي كنت ببعته مني ليكي
كنتي انتي بس وحدك ضحكه صافيه
بين همومي
كنتي انتي بنبض قلبك عطر بشمه
في خيطان هدومي
بقيتي النهارده سراب في زمن كداب
بقينا خلاص اغراب
بقينا ذكري علي سطور مداريها
حروف في كتاب
بقيتي مرايا خايفه تجيب صورتي
بقيتي تخافي حتي تجيبي سيرتي
لقيتني من غير ما احس حبيبتي
لقلبي بعدك قفلت الباب
/////////كلمات خاصه
//////////// دكتور احمد حافظ
ليست هناك تعليقات:
إرسال تعليق