بسم الله الرحمن الرحيم
فى ناس ماشية ع الأرض و ناسية
ان فى رب و قلوبها قاسية
و فى أعلى المناصب شايفينهم
لا بيشوفوا و لا بيحسوا و كفروا بدينهم
فى ناس غاوية تتكلم و بس
لا هى بتتألم و لا بالناس بتحس
و فى أطفال ياما زرفت الدموع
على طفل زيها مسكين و ميت م الجوع
و هدومه رثة و ياما هنشوف لسه
فى رجال قلوبها قاسية و فى عيال قلوبها حاسة
يا ناس اكسفوا على دمكو
دا العيال بتحس عنكو
يا ناس اكسفوا على دمكو
دا العيال احسن منكو
اللى بيحصل و اللى هيحصل ما هيأثر فينا
خلاص اتعودنا و ربنا رحيم بينا
اللى بيحصل و اللى هيحصل من أفعالكو
ياما ناس كتير انظلمت و ما جات على بالكو
و ما هيدوق المرار غيركو انتو
يا اللى بإديكو القرار و ظلمتو و خنتو
دلوقتى بتدوروا علينا تكلمونا
حرام علينا نحس بيكو و انتو لسه بتظلمونا
محمد أبو المعاطى
ليست هناك تعليقات:
إرسال تعليق