إفهمي
يا بنتي لازم تفهمي
إفهمي وكفاياكي تحلمي
لو مفهمتيش راح تندمي
دنيا البشر ملهاش أمان
ناسها مش هم ناس زمان
الدم رخص وعل خلق هان
الصاحب لأعز أصحابه خان
البنت بقوا شايفينها صيدا
يتظاهروا بإن النية بيضا
إل يقوللك فيكي أدوب
ناوي أصلا عل هروب
لو مسبل في عينيه
شوفي قبلا قاصده إيه
لو حلفلك بالأمانة
يبقى ناوي عل خيانة
طالما بيمضغ اللبانة
هيألفلك قصتين
يقوم باصصلك بصتين
حاذري منه متصدقيش
إنسان واطي مايختشيش
يمكن يوعد بالعطور
شوية شوية يجيب خمور
إوعي أبوكي تكسريه
ع التربية ليكي تحسريه
أكيد ساعتها هتخسريه
شرف البنت يا بنتي مالها
فوق جمالها هو مالها
إدعي ربك يسترك
على كل غادر ينصرك
عصام الباز
ليست هناك تعليقات:
إرسال تعليق