شبح الموت .. أحمد جبر
أول مرة
أحضر عزا مش موجود فيه
الكل حواليا بيواسينى
والدمعة مابتفر من عينى
مع إنى مش حاسس بيه
إحساس بإنى جواته
بس أنا نفسى مش فيه
الكراسى على البساط
صوت قرءان ف كلمة صراط
وصريخ وصويت وعياط
شايف الكل من حواليه
أنا جوا العزا
بس أنا نفسى مش فيه
أول مرة
أحضر عزا مش موجود فيه
شايف تعاذى
وأبويا ف وجعه بيدارى
وأمى بدمعتها بتدادى
مش عارفين إن عينيا شايفاهم
وخلق ياما من حواليه
أنا جوا العزا
بس أنا نفسى مش فيه
أول مرة
أحضر عزا مش موجود فيه
شفت كل اللى مشفتوش
وعرفت حنين معرفتوش
وحزن زمان محزنتوش
وسنين عايشها مش فاهم ليه
عرفت إنى موجود بالروح
وصوتى صار جوايا مبحوح
وعمرى ما هرجع حتما
زى ماروحى بتطلع
وتروح
ليست هناك تعليقات:
إرسال تعليق