غزال شارد
-----------
غزال شارد وجه قاعد قصاد عيني
أروح وارجع أشوف واسمع وشاغلاني
جمال تاني ماخلاني أشوف فيني
ومين قده رجيت وده وآه ياني
-
وقفت بعيد وقلبي سعيد قريب منه
أشوف حسنه وميل غصنه وآه منه
إيديه عنده على خده وإيه ظنه
وكان وحده وإيه واخده وإيه عنه
-
سألت فـ نفسي إيه ممكن يكون شاغله
ياريت أقدر أروح واسأل منيش قادر
يكون عاشق وكان شارد ومشتاقله
وانا وحدي ياريت عندي ونتسامر
-
غزال واحد هناك قاعد ويحلالي
ياريت حظي يكون حقي واكون حقه
ولو يرضي يكون حِلي ويبقالي
هروح عنده لبيت أهله واصون عهده
----------------------------------
الشاعر هشام عوض
الجمعه 26 أغسطس 2016 م
ليست هناك تعليقات:
إرسال تعليق