ليه بيلوموني
بقلم الشاعر دكتور احمد حافظ
\\\\\\\\\\ ليه بيلوموني
ليه حبيبتي بيلوموني
علي هواكي
ليه لما لاقوني معاكي بعترف
انك غير كل البشر
انك بروح طاهره زي المطر
ان قلبي اتمناكي قدر
اني بأعلي صوتي
ناديتك حبيبتي انتي
حد مختلف
ليه سابوني وانا وانتي
اللي نام في عيوننا السهر
معذورين صدقيني
ميعرفوش انك انتي
ضي عيني
ميعرفوش انك هديه
جايه تعوضيني
عن زمن من غير عيونك
فات كان خريف
وسنين عجاف قلبي فيها
كان ضعيف
زمن دموعه سالت سنين
طويله وصار كفيف
اعذريهم ومهما لامونا
بقلب طاهر كلميهم
عرفيهم حبي ليكي بحدود
كل البلاد
واكتبي علي سطور الزمن
ان حبي كان قرار
حبنا قدر والقدر حبيبتي
مش اختيار
\\\\\\\\\\\\\\ كلمات خاصه
\\\\\\\\\\\\\\\\\\\\\\\ دكتور احمد حافظ
ليست هناك تعليقات:
إرسال تعليق