@@@أحرقت ثوب الماضي
بقلم الشاعر /
$$$عبدالسيد عبدالفتاح$$$
هو أنت عاوزه حبيب تلمعيه
وترسميه و تفصليه عليكي بالمقاس
تجنني لو يوم غار عليك
عوزاه دلدول من غير أحساس
لحظه ترميه ولما تعوزيه تلمعيه
وتلبسيه في رجلك زي المداس
تآمريه يطيع كلامك
تنفوخي فيه وتمليه هوا بكباس
تسلكي مشاعره بكلمة من كلامك
يهب زي بابور النحاس
حبيب يفسح في الجناين كلابك
واهو كلب معدود عليكي قدام الناس
تتباهي ببروكته و قميصه المشجر
زي القرد يتنطنط ويجري وراكي
يتشقلب ويقفز زي البهلوان
في سرك أيامك يتمني رضاكي
ده حبك كان عاملي سعار
متوهني بين حيرة وهم
ووهم وأفكار
لحظة ألاقي نفسي في جنة
وأيام أعيش في أسفل درك النار
أشوف نفسي في لحظة غدنفر كما أسد
وأيام أحس بأني جربوع من نسل الفار
هيمان موش داري بنفسي
وكأني بأرقص علي طار
في حفلة زار
هو أنا مقلتلكيش أني خلاص كرهتك
ولا عدت حتي أفتكرك
ولا حتي نفسي تعصاني وتجيب في سيرتك
زي ما أنت زمان بعتيني
أنا نزعت حبك من ضلوعي وبتمن بخس بعتك
ياما أترجيتك وقلتلك خليكي لي لوحدي
مينفعش يشاركني حبك حد تاني
ولكن أنت عاوزة بدل الحبيب ألف
علي الشماعة معلقاهم ومعلقاني
ولما أقلك خليكي ليه لوحدي
تزعلي مني وتقولي عليه أناني
أنسي خلاص أحرقت توب الماضي
وصفحتك ولعت فيها
لا بجيب سيرتها مع نفسي
ولا حتي في خيالي بحكيها
###################
$$$عبدالسيد عبدالفتاح$$$
@@شاعر وقلم حائر@@
الأثنين(2016/7/12)
ليست هناك تعليقات:
إرسال تعليق