قمر الليل
بقلم الشاعر / طارق السيد
ياقمر الليل العالي
أوصلك قوللي إزاي
وانا أصلي ناياتي ياغالي
مااملك غير الناي
إزاي إزاي إزاي
إزاي ياحبيبي إزاي
ياقمري ياعالي عليا
أوصلك قوللي إزاي
تعلالي ياساكن العالي
وطل ياحلو وميل
تعلالي و رق لحالي
دا أنا دايب فيك ياجميل
تعلالي ونشرب شاي
ياجميل علي شط النيل
وأغزل لك بالناي
في هواك أحلى المواويل
إزاي إزاي إزاي
أوصلك بس إزاي
وإنت بعيد قوي عني
والبعد مجنني
تعلالي ياضي عنيا
إعمل معروف بقى فيا
وقوللي ياروحي أنا جاي
أشرب وياك الشاي
ولما تجيني يجيني
الفرح ياحبة عيني
وتندهلي العصافير
أفرد جناحاتي وأطير
على فرع الشجرة الطارحة
وأغني وأقول م الفرحة
إزاي ياحبيبي إزاي
أوصفلك بس إزاي
قبل ماأحبك كنت
ياحبيب قلبي إزاي
بقلم طارق السيد
ليست هناك تعليقات:
إرسال تعليق