....... ولا يوم سألتي عني .......
بقلم الشاعر الكبير / حسن الشوان
ليه أهملتي حــياتي
وما حستيش بأهاتي
ولا يوم سألتي عني
ولا مره قربتي مني
ولما حبيت أعتـــبك
لقيت حد تاني بيكلمني
مستحيل يكون قلبك
مش معقول تكوني انتي
خلاص نسيتي حبك
طيب ليه يا هانم ما قولتي
علي العموم روحي لحالك
وإللي عملتيه مش ح يروح
مفيش يوم ح يمر ببالك
وتلقي الهموم جواكي تنوح
وإتحملي كمان اللي يجرالك
عمرك ما ح تصعبي عليا
ولا أحن مره تاني ليكي
كل إللي عملتيه مأثر فيا
ومش ح تغريني عنيكي
خلاص حـبك جـوايا مـــات
خلاص نسيته من سكات
كفايه عمري بيجري بيا
كفايه صبرت كتير عليكي
والزمن مش ح يرحم عينيا
لو في يـوم فكــرت فيــكي
.............................................................
...... إحساس الشاعر / حسـن الشـوان ................
ليست هناك تعليقات:
إرسال تعليق