من الاخــر
بقلم الشاعر / حاتم صلاح أنور
=====
من الاخر غرامك روحة فارض
جاوب قلبى نفسة للهوى عارض
جة شوقك موجهنى وانا شارد
حكم حبك على جناح العشق فارد
وحبى دة مش لعبة
لا كلام هيام ومداعبة
مش خاطرة جابت فكرة
تزول بزوال اثر سكرة
وانا الدايب يجرفنى التيار اروح سايب
سايب روحى تطوف عندك وان اتعايب
اسلم لدوامتك روحى غريق
تلتهمنى نار الف حريق
لكن عارفة اية الطرفة
انك حتى ما حاسة
كل يوم اقول خلاص
تردى بنظرة لا لسة
لو عارفة دى مجرد اللمسة
بس انتى اة لو عارفة
على كدة كل ايامى معدية
يزيد عطش زهرة ما مروية
اتمنى حتى لو همسة
واحضانى بيك مدفية
من الاخر دة قلب بالغرام زاخر
جالة شوق قال لراحة البال اتاخر
بقلم الشاعر / حاتم صلاح انور
ليست هناك تعليقات:
إرسال تعليق