أغنية...أحب مين
بقلم الشاعر / على حسين
------------------
أحب مين يا حطان الدار و أنتم شاهدين...
علي عذابي و يا أبو رموش بالحب نعسانين...
و ح أجيب من فين تاني سنين...
علشان أحب بيهم من جديد...
و القلب مل من لوع الحبيب...
ما خلاص...
خالص...
ما راح الحبيب و أهو هجر...
و أخذ معاه كل الحنين...
و سابلي بس الشوك وألأنين...
بين الضلوع أهم نايمين...
يبقي أحب مين...
و أنتم بتقولولي ياحطان الدار...
أحب تاني من جديد...
طب ما أنتم أهو شاهدين...
و نعيد من تاني بقي لوع المواعيد...
و الغيره اللي من بعيد...
و نبض قلبي كل ما نفكر فيه...
و نسرح مسهمين يمكن يرء الحبيب...
و يوريني معاه ليالي العاشقين...
اللي بيعشوها بشوق و غرام كل المحبين...
ده شيئ هو كمان مش أكيد...
طب ح نعمل أيه...
لما ليل يعدى و نهار يغيب...
و لا يسأل عنا و لا يرد علي سؤال العين...
و لا حتي ح يبعت ليا طيفه علشان أناجيه...
يمكن خايف لا أشهد عليه نجوم الليل...
اللي معايا بالحيره برضه سهرانين...
و ساعتها بالعشم ح يبقو عليه شاهدين...
ما أحنا صبر و صابرين عليه...
و مترح ما بيروح أدينا ورا ظله ماشين...
و ياريت بعد كلده له عاجبين...
يبقي أحب مين...
و أنتم بتقولولي يا حيطان الدار...
أحب تاني من جديد...
طب ما أنتم أهو شاهدين...
ماسكين القلم و كتمين الالم عن رموش العين...
و بنكتب اشعار شيلنا منها الحزن و حطينا الحنين...
يا حطان الدار أنتم مش شاهدين...
مع تحيات شاعر الوجدان الشاعر السكندري / علي الطاووس
ليست هناك تعليقات:
إرسال تعليق