ليه نسيتى - ( غنائى )
بقلم الشاعر / محمد البلاط
ليه نسيتى اتفاقنا واللى مكتوب بايديكى
ا فتحى قلبك لشوقك وانزعى غمامة عنيكى
شوفى مين اللى يريدك شوفى مين اللى شريكى
راجعى كل ذكرياتك راجعى كل امور حياتك
ليه نسيتى اللى ما بينا وهدمتيه بايديكى
اتفقنا تكون جنه واكون فيها شريك
وفرشت تمر حنه تحت قدمك خوف عليكى
ا فتحى قلبك لشوقك وانزعى غمامة عنيكى
مستحيل انى ابيعك او فى يوم اكون نسيكى
هو مش كان اتفاقنا يفضل الوصل مابينا
نروى زهر الحب ود ونفرش الارض بحنه
واتفقنا ننسى اى جرح صابنا او مع الايام يصبنا
وبالرضى نرضى بنصيبنا لو تصيبنا اى محنه
ونواسى بنهر دمع وضوء شمع اللى جارحنا
وساعتها نحس احنا اننا عايشين فى جنه
هو مش كان اتفاقنا ليه نسيتى
ا فتحى قلبك لشوقك وانزعى غمامة عنيكى
شوفى مين اللى يريدك شوفى مين اللى شريكى
ليه نسيتى اتفاقنا واللى مكتوب بايديكى
ليه نسيتى
بقلم محمد البلاط
ليست هناك تعليقات:
إرسال تعليق