حقك عليا يا اغلي ماليا.
بقلم الشاعر / أدم ببيشو
لوكنت يوم قسيت عليك
دا في بعدي عنك.
حيره وعذاب.
بيضيعو لما بشوف عينيك
لأنك حبيبي.
وقدري ونصيبي.
ودوايا منك بلمسة ايديك
غصب عني.
ضيعت مني.
لكن النهارده هرجع اليك
انا ضيعت بعدك.
وقلبي في بعدك.
عايش حزين.
من لحظة ماسبتك.
وانا روحي تايهه.
مابين هم وانين
ونفسي اشوفك.
وافرح بطيفك.
وانسي بيك مر السنين
ياغالي عليا ياكل اللي ليا.
يافرحي وشبابي يانور العينين
حقك عليا يا اغلي ماليا.
لوكنت يوم قسيت عليك
في قربي منك.
بحس بحياتي ليها طعم تاني.
وبنسي همومي.
وانت معايا صعب ان اعاني.
ولما عينيا بتبجي في عينك.
بشوف حنان وود واغاني.
وبحس بفرح.
وبنسي اي جرح قابلته في زماني.
وبيك الحياه بتحلي ياعمري.
وبيك الحياه امن واماني.
وصورتك في بالي.
وعقلي وخيالي.
وهدور عليك في كل المواني.
وعشقك ماليني وشوقي كاويني.
وبعدي عنك هلكني وعماني.
حقك عليا يا اغلي ماليا.
لو كنت يوم قسيت عليك
شهاده مني من بعد ماسبتك.
وانا عايش حياتي في حزن واهات.
وعيوني دايما حزينه ياعمري.
ودموعي نازله علي كل اللي فات.
علي ايام جميله كنت انت فيها.
ضاعت وتاهت وصبحت ذكريات.
وراجع اليك ندمان واسف.
فاقبل رحوعي ياحب عمري ليوم الممات.
ولأني في بعدك فرحي هاجرني.
وقلبي حزين واصبح رفات.
فارحم دموعي وقلب عايش.
بعد منك في ذل وسكات.
حقك عليا يا اغلي ماليا.
لوكنت يوم قسبت عليك.
سامحني وانسي هجري وجفايا.
لان حياتي مابتحلي اللي بيك.
............. ادم بيشو ............
ليست هناك تعليقات:
إرسال تعليق