صباح الشروقي
========
وحياة رب السماء الواحد الديان
من وقت شفتك صفي هالفلب مجنونك
ما عدت بدي حدا غيرك ولا عشقان
وما عدت قادر اعيش العمر من دونك
ما في بجمالك حدا جني ولا انسان
انتي بجمالك ملاك-الطهر مكنونك
مغرم بقد وحلا وعيون هالغزلان
لا تعيشيني باسى وبكثرة ظنونك
مسحور عقلي بسواده رمشك الفتان
وبرقتك يا غصين البان وفتونك
واقع بحبك انا يا منيتي من زمان
عصفور قلبي انغرم هدا على غصونك
حامل ع جنحو موده مطرزه بتحنان
لا تبخلي بالهوى يا روح ممنونك
جودي بوصلك كفانا الجوع والحرمان
حتى بميل الهنا يتكحلو جفونك
برتاح لما بشوفك لو كنت تعبان
وبيصير لحن الفرح يعزف الي فنونك
وبزعل وقت ما فؤادك بقشعو حزنان
وبجن من حرقتي اكثر من جنونك
انسان مخلص وفي قلبي مهو خوان
وبحلف بالله ع طول العمر ما بخونك
وتعما عيوني انا وابقى من العميان
ولا شوف دمعة حزن نزلت من عيونك
=====محمود شبيب =====
ليست هناك تعليقات:
إرسال تعليق