رسالة غرام
الشاعر / محمد عبدالعزيز دراز
في ليلة طل القمر وقرب من داري
دق قلبي وسهر وبدأت مشواري
حبيت ملاك م السما كان جنتي وناري
لمست معاه السما وكتبت فيه اشعاري
وبكيت لما هجرني واخدت يومها قراري
اكتب رسالة غرام فيها قصتي واسراري
كتبت في ليلة قمر ليه الحبيب مش داري
كتبت مين السبب تحزن سطور اشعاري
ومين نزل دموعي وخلى ليلي نهاري
كتبت لملاك السما انزل هنا في جواري
بلاش اسوة قلبك تزود لهيب ناري
وإن كان مني السبب قدمت لك اعتذاري
يا ملاك السما يا سر حزني ومراري
طاير تهيم في السما وتاه قلبي في حواري
عاشق وطبعي الوفا وانت راضي بمراري
اسكن دروب الوبا واسجل حزني على جداري
وانتي عيشي في هنا واكتم انا اسراري
وهرضى بنصيبي كده وهو ده قراري
ليست هناك تعليقات:
إرسال تعليق