ناب معاليها
بقلم الشاعر / طارق السيد
أنا والدنيا وناب معاليها
رمتني الواطي من بعد عاليها
دارت بيا ونهشت فيا
وحلفت لازم أتمرمط فيها
لا قلت في يوم أنا واد خيّال
ولا طرزان أنا في الأدغال
أنا إنسان طول عمري بسيط
حامد ربي في أيها حال
ساكن شق في حارة قديمة
زي مابتشوفوا كدا في السيما
واد غلبان صدمان عدمان
وساعات ببقى واد إبن لذينا
وساعات بعمل واد فلوت
وساعات باخد بالشلوت
وساعات ببقى صلاح الدين
ودايما بحلم زي الناس
يدنيا مافيها بارود وصاص
وكل الناس عايشين حلوين
قصر كلامي أنا برضو مفتح
زي الورد إللي في يوم فتح
بعد ماجذره سرح في الطين
بقلم طارق السيد
ليست هناك تعليقات:
إرسال تعليق