كلمات من القلب
بعنوان --
""بــــــــــــــــص فــــــــــــي إيـــــــــــــــدك ""
بقلم -- اسماعيل شتا شمس
بص في إيدك قبل ما تقراء الكلام
بص وشوفها
إن كانت عرقانه --شقيانه --مني ليك ألفين سلام
وإن كانت خملانه -- دبلانه - تبقي حياتك حرام
بص مستني ايه
بص جوا نفسك بإنتظام
علشان مصر أم الدنيا مش عايزاك تنام
مصر عايزاك همام -مصر عايزاك حزام
مصر عايزاك وسام
بتقول ليه ياسلام
علشان نعوض اللي فاتنا
علشان نغير من حياتنا
علشان نبني بإدينا كل شبر في أرض سينا
وتدور تاني السواقي تروي الأرض الشراقي
علشان تمشي المراكب في القنال زي المواكب
بفضل توجيه مرشدينا
ومن كل مينا وتحلي من تاني الأغاني
فوق لسانك ولساني
للشجر --للقمر --للفجر الجديد
للسهر -- للحب -- للنجم البعيد
علشان يغني الغريب في السويس وبور سعيد
قوم بقا بص في ايدك بالكفاح وابني الهرم
قوم نسهر الأمم وازاي نتحدي المستحيل
قوم ياابن مصر الجديد
بص في ايدك --بص تاني -- وثالث -- ورابع
بص دايما علي اللي جاي
بص دايما بانتظام
"بص في إيدك"
بقلم اسماعيل شتا
دمنهور -- بحيره
ليست هناك تعليقات:
إرسال تعليق