..................... الوطن آمانه في قلوبنا ...............
............ إحساس الشاعر/ حسـن الشـوان ...........
.............................................................
الغلابه مش عبيد
الكتابة مش تقييد
ونور العداله لما يقيد
يملا الدنيا عناقيد
وتتلاحم الأيد في الإيد
وكل يوم علينا عيد
ليه نخضع للفتنه
ونسقيها ذرات دمنا
ليه كتاب الله
يبقي بعيد عننا
ونخلي بهجة الحياه
تتحرم مننا
فصول السنه إتلخبطوا
وعيون السما عيطوا
لما دم الشهيد
سال علي أرضنا
الأرهاب مش في كتابنا
الغدر مش في قلمنا
الوطن آمانه في قلوبنا
وعهد الله في دمنا
..............................................................
............ إحساس الشاعر/ حسـن الشـوان ...........
ليست هناك تعليقات:
إرسال تعليق