الحلقة
شعر/ محمد توفيق
-----------.
-----------.
نفس الحكاية بالرتوش
نفس الوشوش
بنفس سيوف الغدر
نفس البداية والنهاية
بنفس السلاح
وفى ليلة كانت بدر
عقدوا الرحيل
وإتوزعوا بين البلاد
وصمموا
على نهايتك يا(على)
على نهايتك يا(معاويه)
على نهاينك يا(بن العاص)
بضربة واحدة هيكتبوا لينا الخلاص
ويرجع الأمن خلاص
نفس الحكاية بالرتوش
نفس الوشوش
وإتغيرت بس الأداة
بدل المدافع كانت سيوف
وبدل الضحية صارت الوف
قطام...
قطام ياداهية مسيحة ومقيحة
جاية من أقصى الغروب
يا مسيرة كل البشر ذى الغنم
أما العرب
ده جنس مخلوق للركوب
وإبن ملجم
فى القدس شانن ثورته
فى الكوفة عاقد همته
فى دمشق واقف وقفته
حالف لينزع راس إمامنا
بسيفه المسموم بالدهاء
حالف ليقلع كل خضرة
من الجناين والحدايق والخلاء
حالف لتبقى كل عطفة فى أرضنا
كربلاء
كربلاء
كربلاء
--------------------.
شعر/ محمد توفيق
ليست هناك تعليقات:
إرسال تعليق