حيرتونى يا خلق الله
بقلم الشاعر / محمد الباشا
----------
حيرتونى ....... يا خلق الله
اسم الله ....هو الرحمن.
تزرعوا نبت القسوة دا ليه؟
وزعتوه ف كل الأركان.
والرحمة يا سعادة البيه
ليه انسيتوا اسم الديان.
هو البيه يرحمكوا بإيه ؟
إيه ف ايديه غير الطغيان.
لما تماللى تبوسوا ايديه
خليتوا الظالم..... عنوان.
واتمسحتوا كعوب رجليه
لاجل رضاه وبرضك زعلان.
وأخذتم منه .......البركات
ودفعتم ليه كل الأثمان.
وارضيتم كلمة وسلامات
لو بالكدب الظاهروالبهتان.
والكلمة مش هاينة عليه
ولا حتى بيعطيكوا أمان.
متعالى ولا فيش حوال
غير نفسه وحبة رعيان.
والرحمة انعدمت ف ايديه
ولا يعرف معنى الإحسان.
حيرتونى ..يا خلق الله
حيرتوا قلبى التعبان.
فين راح فين دمع الأواه
وكمان راح فين الإنسان.
ليست هناك تعليقات:
إرسال تعليق