.اعرف مزارك
بقلم الشاعر / محمد نايل
اعرف مزارك ع الساحة
مصر بلد السماحه
ومحور كل السياحة
فبها الضيوف مرتاحة
عايزة تقعد وتطول
بييجو من آخر الدنيا
يزوروا مصر أم الدنيا
واللى قاعدين من عمنول
بيطوفوا وبيشوفوا آثارنا
واما تيجى ساعة الوداع
يقولوا غيرنا مسارنا
ويرجعوا تانى م الأول
ماهى شمس بلدنا وضاحة
أعرف مزارك ع الساحة
مصر بلد السماحة
ومحور كل السياحة
فيها الضيوف مرتاحة
عايزة تقعد وتطول
...........................
على شط الغردقة
قلوب متشوقة
بتحلم بوقت اللقا
عروسة البحر الأحمر
لابسة فستانها البمبى
أكيد جيباه من روكسي
وللا يمكن م الشواربى
قاعده ع الشط تشاور
لابسة ومتزوقة
بزيارة واحدة ليها
تنسى كل الشقا
ولكل الشجن مساحة
وعنها قلوبنا ماتتحول
اعرف مزارك ع الساحة
مصر بلد السماحة
ومحور كل السياحة
فيها الضيوف مرتاحة
عايزة تقعد وتطول
............................
م الغردقة للشرم
كل المتعة فى الشرق
كل ما تيجى تزور
لازم حتحس بفرق
حقك تلف وتتجول
طابا ودهب والطور
وعيون موسى والدير
ف السحر ملهمش نظير
ع البعد قلوبنا ما تتحمل
وترجع هايمة وسواحة
اعرف مزارك ع الساحة
مصر بلد السماحة
ومحور كل السياحة
فيها الضيوف مرتاحة
عايزة تقعد وتطول
مع تحياتي
محمد نايل
البحيرة /مصر
ليست هناك تعليقات:
إرسال تعليق