قالوا عدى ....
بقلم الشاعر / عادل الشهابى
-------------
قالوا عدى الصعب عدى المحال ...
خلى عزمك عزم الرجال ....
خليك صامد زى الجبال ...
مش عاوز أشوفك على فراشك طريح ...
مش عاوزك تطاطى لأى ريح ...
عاوزك مواجة عاوزك صريح ...
أصبر وصمم على أحلامك ...
أمشى وزيل الصعاب اللى قدامك ...
ولو أتكلمت خليك قوى كده فى كلامك ..
الدنيا مليانه كتير صعاب ..
أقتحمها وفيها دق كل باب ...
الدنيا ما أتبنتش أكيد فى ساعات ...
خد منها عظه وأنسى اللى فات ..
عارفنها دنيا وأفعالها مش معقوله ...
وعلشان كده قالوا عليها غروره ...
وأنت مش تلميذ لسه فى سنه أولى ...
بلاش اليأس يتملكك ...
قوم وعيش يالا دنيتك ...
وعاندها زى هى ما عندتك ..
قوم يا راجل وشيل الحمول ...
وللدنيا أضحك كمان وقول ...
للقمة مصمم للوصول ...
قوم وبلاش روح الأنهزام ..
ولمشكلك بلاش تستسلم وتنام ...
قوم وأمشى يالا للامام ...
ياما هتقتبلك محن كتير ...
فيها الصغير وفيها الكبير ...
بالعزيمه هيتيسرلك كل عسير ...
قوم عدى يالا الصعاب ...
عدى المحال ...
خلى عزمك عزم الرجال ....
بقلــــــم: عـــــادل الشــــــهـــابى
ليست هناك تعليقات:
إرسال تعليق