=====ااااااااااااااااه ياولدى=====
بقلم الشاعر / رمضان على
------------
يا ابنى اسمع كلامى*** وفى دروسك اجتهد
ابوك خلاص تعب *******ومابقاش عنده جلد
بالعلم تبقى حياتك ********طيبة ليها معنى
ويعلا اسمك فى السما **يا ابنى من غير عمد
اصحى وفوق *************من الى انت فيه
والى بيبدر خير ******فى نهاية الشقى يجنيه
والى بيزرع شر ****** فى رحلة الحياة يلاقيه
والى يعلى ببلده **********هى كمان تعليه
اوعى يسكنك احباط *******من فساد حواليك
وبص للطيب هنا*******واتمنى تشوفه عنيك
وابعد يا ابنى عن رفاق السوء ***ورذالة الاجيال
ورداءة الاخلاق ***********اوعى فيها تسوق
واسمع منى يا ابنى******* انا عايزك الافضل
وفى كل نواحى الحياة ******عنى تكون افضل
وخد منابك ايمان بالخالق ****والى ميزك افضل
وصفاء بلدنا لو عكره ***************حبة تراب
بكرة العكارة حتصفى********* والحياة هتروق
وخليك مع كل البشر****** شهم وسلس وذوق
وان زار حدودك غاشم *****على فى ايدك فوق
وانزل من غير هوادة******* لجل ما يذهب لليل
وتيجى لحظة شروق *******************
يابابا عارف وفاهم **********انك عايزلى الخير
بس يابابا بلدنا *************** قل فيها الخير
لا نافع فيها ادارة************ ولا نافع فيها وزير
يابابا تعبت انا************ من وقت ما اتخرجت
رجال اعمال مرمطونى *****على كل للون ووقت
سرحت اعرض عملهم ****شىء مضيعة للوقت
حسيت انى بتسول *******والاسم للقمة عيش
وابن الباشا متنك ***********ويقولى من الاول
اعرض وما تخبيش********************
ولا بنات الناس ****** بقوا فى البهدلة دراويش
والحوجة وحشة يابابا **********وانت اكيد عارف
بلد لاصحاب المال ************اما الفقير عالرف
والى تعبنى يابابا************ هو امتى الباشا
حمل ماغلى وما خف******** وامتى كان غنى
وامتى كان عالرف***********************
نفسى امشى بنصيحتك *****بس جوايا غضب
بيقولى شوف الفسدة ****والبد لهم فى القصب
يابنى غلط تفكيرك *******خلى الحساب بقانون
اعمل الى عليك************** وعند ربك عون
بس اوعى تبقى مستسلم ****** لكبير او مالى
وتركن هنا للياس *************وتقول وانا مالى
اضرب بايد من حديد******* على كل راس فاسد
واوعى تسيبها تروح********* وتفضل كده قاعد
واذا عطاك القدر************ لكل محتاج ساعد
واخيرا لك سلامى**** بس يا ابنى اسمع كلامى
=====رمضان على=====
ليست هناك تعليقات:
إرسال تعليق