اتكلمى
بقلم الشاعر / محمود البراد
--------
سكتى ليه اتكلمى
اوحتى ارسمى حبة حروف
ارسميها على الشفايف
طمنى قلبى اللى خايف
غيرى كل الظروف
ارسميها واسكتى
اقراء فيها ضحكتى
اشوف فيها لهفتى والخوف
اكتبيها على الجدار
واعزفيها على الجتار
اطفى بيها الف نار
دايره فى سكتى بتطوف
انقشيها على الحجر
ودقى اجراس الحطر
ليه تسيبى لحظه القمر
قصاد الناس مكسوف
طب اشارة اوهمهما
تقوى قلبى كلما
ظهر الامل مفقود
مافى وقت للعتاب
الدنيا فى صمتك عذاب
افتحى للهوى الف باب
لسه الوداد موجود
حبيبتى ليه الصمت ساد
والحب ضاع فى العناد
دا القلوب اتجمعت ودمعت
ووقفوا مليون ساعة حداد
شعر/محمود البراد
ليست هناك تعليقات:
إرسال تعليق