وحشتينى .....
بقلم الشاعر / عادل الشهابى
------------
حبيبتى قربى وأسمعينى ....
بكل ما فيا وحشتينى ....
ويوم عن يوم ليكى بيزيد حنينى ...
وحشنى حبيبتى أكيد صوتك ....
وحشنى همسك حتى وسكوتك ...
وحشتنى نظرة عنيكى ....
مشتاق للمسة أديكى ...
قلبى حبيبتى بينادى عليكى ...
مع نفسى بسترجع الذكريات ...
حبنا همسنا الشوق اللى فات ...
بسترجع حضن كله حنين ...
وبوسة شفايف فرحت قلبى الحزين ...
بسترجع كلمه حب قولتهالى ..
وكلمة شوق فداها كل غالى ...
فاكره حبيبتى زمان ...
لما ضحكنا يملى المكان ...
ويحسدونا عليه الآهل والخلان ...
لسه فاكر وأنتى بتودعينى ..
وفاكر دمعه كانت حايره فى عينى ...
لسه فاكر سلام أديكى ...
ودمعه شوق نزلت من عنيكى ...
وقتها قلبى سابنى وراح اليكى ...
لسه فاكر صوتك وهو بينادينى ...
ويقولى هتوحشنى يا كل دنيتى وسنينى ...
لسه فاكر كلامك ليه ...
صوتك نغم ولا أجمل أعنيه ...
لسه فاكر حبيبتى حضن الحنيه ...
كان حضن حب وشوق ورومانسيه ..
أيوه لسه فاكر ...
بقلــــم: عـــــادل الشــــــهــابى
ليست هناك تعليقات:
إرسال تعليق