،،،،،، ،،،تلتاشر مقلب،،، ،،،،،،
بقلم الشاعر / فهد النحراوى
مش طايق بس اشوفه
ولا طايق حتى اجيب سرته
الحرف بيهرب من خوفه
لاحكي واتغزل ف سيادته
مغرور وغروره مصورله
اسياد ف الدنيا وعبيد
وعبيد تجري توسعله
د الباشا معدي ف الغيط
والمنظر بيقول عتريس
فوق فرسه جاى بيعادي
ويقفل ميه ف هويس
مهويس لونسمع ونطاطي
يا اخينا روسنا اتساوت
متكبر ليه نافخ صدرك
درجات عارفين وتفاوت
ولاحد هيعدل قدرك
وغريبه زميلنا بتتحايل
عايزين مقلب لجَنابه
يتعلم ايوه احنا زمايل
ويأثر كسر ف جِنابه
جهزت الفكر حضرته
والمقلب راح يقلب حال
ويوماتي اعطل سيارته
ويروح بيها د محال
نتسل ونحكي انا هوه
وخفيف الدم و حبوب
وانا عارف اسود من جوه
و سواده غالب شيبوب
بقلم فهد النحراوي
معلش هنقضيها اتوبيسات
هو انت شوفت حاجه
ليست هناك تعليقات:
إرسال تعليق