ايه رأيكم
بقلم الشاعر / محمد باشا
ايه رأيكم ....يا عرب ؟
فى القلم ......والمسطرة.
وفى الزمان اللى اتقلب
والحبر ...جوه ..المحبرة.
وفى الحياة.. بين الكتب
والللا حياة .....المقبرة.
ايه رأيكم ...لو نعيد الزمن
ونرجع 1400سنة لورا.
ونعيش فى خيمة ..بالوتد
بدل ..القصور ..والمنظرة
والقلب نملاه ...بالوداد
وبلاش دى ضحكة..أصفره.
خلينا ...نبدع....بالسلام
بدل السلاح ...والمسخرة.
ونتبع ....خطو ...الإمام
ولو .. ..بصورة ...صغيرة.
فى البيد بعيد عن الزحام
بوجوه......نقية ....منورة.
ايه رأيكم نعيش بلا عملة
بلا ....وشوش ....متعورة.
ونورى ..أعداءنا سواعدنا
عند ..الوضوء ...متشمرة.
والنور ساطع على جباهنا
ساعة الأذان .....متعطرة.
ايه رأيكم ..لو بناتنا باتت
فى حصون ديارنا مزهرة.
شايلة الأمانة ....بعلمها
تربى بالقرآن وسنة مطهرة
وبلاش نقلد ..كل فاسد
ونغير الفطرة .....النيرة.
دينا اللى صان ...النساء
وتخلت عنه صارت سافرة.
وتبدلت ..ثوب ....النقاء
بأثواب الخلاعة ....فاجرة.
وتراءى ...أنياب الذئاب
وتعود ...تبكى ...حائرة.
لو يوم .....يقابلنا النبى
ولو سأل عن قلوب طاهرة
ولو حكالنا ازاى.. بدأ
وحده ...فى دنيا ...كافرة
وازاى ..تعالى بالنسب
بين العرب والأمانى طائرة
ايه رأيكم ..فى دين بالوراثة
لا كنا انصارا ولا مهاجرة
وما تحملنا العذاب لأجله
وما دمعنا بالدموع العابرة
الأن فرطنا ..وبعناه سدى
رحنا نصفق والمراكب سائرة
أفيقوا يا عرب
ليست هناك تعليقات:
إرسال تعليق