عايش ف ظلالك متهني
بقلم الشاعر / أحمد المغربى
ولو اني بعيد عنك أمي
وبرغم المسافات والغربة
دعواتك علي طول توصلني
بلاقيها ف رزقي واوقاتي
ومشاكلي بتتحل يوماتي
ابواب تتفتح قدامي
وتطبطب علي كل اهاتي
يا جميلة ورغم انه كِبِرتي
في عيوني يا قمر اجمل شابة
يا اميرة تعبتي وكَبّرتي
ورضاكي ده احلامي الشابة
لو اطول السما لخطفلك شمس
تبعتلك دفا مع كل شعاع
وتكونلك نورك بكرة وامس
وتطيب قلبك م الاوجاع
انا عارف انه ماهو كفاية
جنب الي عملتيه من أجْلي
راح اقول احزانك بكفاية
وارسملك فرحة ليوم أَجَلي
يا حبيبة اضحكي وافرحي ياما
مالضحكة ف وشك بتهون
والدنيا بتحلو..و لما
تضحكي ف عيوني بتتلون
أحمد المغربي
ليست هناك تعليقات:
إرسال تعليق