مش أنا
بقلم / الشاعرة ابتسام عوض حسن
---------------
ولا بعد مليون
سنة
حاكونلك إنت
المغرمة
مش حاتنزل دمعتي
وأقول مشتاقة ليك
مش حاتطفي شمعتي
وأقول محتاجة ليك
ولا أسمح لقلبي يتجرح
من قسوة فيك
ولا يوم حاقولك
أنا هنا
مش انا
حتى في حلمي
مش حايبقى ليك
مكان
ولادموعي تبل
المكان
حارفض النسمة اللي بتقولي
أرسمك
حارفض الضحكة اللي بتقولي
أسمعك
ويبقى قلبي
يودعك
وحايبقى حلمي
ومستحيل يبقى
حلمنا
مش حاقاسي
وأقول ظلمني
ولا حاقولك
ياحتة مني
ولا حاقول
ياجرحي أنا
مش أنا
بقلمي ابتسام عوض حسن
ليست هناك تعليقات:
إرسال تعليق