عمرى ماسكت فى حضورك
بقلم الشاعر / هاني أدم
=======
عمرى ما سكت فى حضورك
غير خشوع رهن العطاء
و إحترامى جلال ظهورك
عهد حب و شوق و وفاء
قلبى مليان بالأمانى
المستحيله بضحكتك
و الحنين قد السنين
ما سابتنى مشتاق طلتك
ترجمى الصمت للغات
و إغرقى ف بحر إشتياقى
أعذرينى لما بأسكت
و أما بأتكلم حيائى
أصعب الأحاسيس فى قلبى
كلمه لسه ما قولتهاش
و إنتمائى مريض بدائى
أمنيات ما بأعدهاش
صدقينى فى لون عنيه
سكة العشق القديم
و الصراط للوصل غيه
قلبى فيها مستقيم
عمرى ما إتنهدت غربه
غير فى دمعه بتجرحك
كل أملى يزيدنى ربى
قدره أونس مطرحك
لا الليالى أقوى منى
و لا حزن الكون عندى يساوى
عجزى لحظه تحسى إنى
غنيت لعيون غيرها غناوى
عينك الصعبه البسيطه
المستحيله الطيبه
دنيتى و سجنى و مواويلى
فى عز حزنى الطبطبه
كلميهم عن شرودى
لو قالولك عنى بايع
كلميهم يوصفولك
كل شئ فى هواك ضايع
و إقبلى دعايا إبتسامتك
و الغرام صبر و حياه
إسمحيلى فى حضنك أبنى
أحلى غنوه و أحلى آه
هانى آدم
ليست هناك تعليقات:
إرسال تعليق