لو انتى حكاية
بقلم الشاعر / فوزى اسماعيل
---------------
لو انتي حكاية قبل النوم
فا سامحيني لأنى كبرت
ابات مندي الجبين محروم
لأني عن خيالي سافرت
ولا هرجع اقول مظلوم
لأني ف البداية كابرت
فلازم اللي زيي يصوم
اعوض كام سنه اما فطرت
ما عاد يستر عرايا هدوم
ف طرف التوب انا اتكعبلت
ولسه برضه متعري
لكن عرايا من جوه
وواخد روحي انا تحري
وحابس نفسي بالقوة
ولما حاولت اني اجري
وقفت لا حول ولا قوة
فلو عاوز تجيب اخري
بلاش انا اخري مش هوه
بلاش انا توهت عن نفسي
ليه عايز تفتح الصندوق
اخاف ليقتلك يأسي
و ابات لحضرتك محقوق
تجرب لسعة من نحسي
ولا ينفع معاك مسحوق
انا عارف دوا نفسي
انام حبة و اقوم مخنوق
لأني شوفت من ده كتير
و ده عاشق وده معشوق
و ده عامل فيها ابن كثير
و كل تجارته مال مسروق
وده نازل ف الغدا تحمير
و واصف له الطبيب مسلوق
فا ما تبصش ف بطن الزير
وركز بس ف المدلوق
ليست هناك تعليقات:
إرسال تعليق