كفنى بين ضلوعى
احمد منسى
لو فرقت حضنك ياامى
ماتستنيش رجوعى
انا ماشى وشايل
كفنى بين ضلوعى
ياهموت فى الميدان
وانا بطالب بحقوقى
ياهموت ع الحدود
على إيد ارهابى
ياهموت محروق
فى القطر وانامسافر
ياهموت غرقان
فى البحر وانا مهاجر
ياستسلم لشيطانى
وانتحر واموت كافر
ماتحطيش ايدك على بوقى
ماتقوليش الشر بره وبعيد
ملى عينك منى واشبعى
مع كل طلعت يوم جديد
خبينى فى حضنك
على قد ماتقدرى
واسقينى من صبرك
بس بلاش تكترى
عشان انا مش
هصبر صبرك
يامغلوبه على امرك
دنا لو صبرت صبرك
مش بعيد اموت
غرقان فى دموعى
احمد منسى
ليست هناك تعليقات:
إرسال تعليق