بس اعمل ايه
بقلم الشاعر / هشام عوض
قلبي اللي حبك ذنبه إيه
إيه بس هي المسأله
ليه بس جايه تجور عليه
بكفايه تقل وبهدله
-
القسوه ليه
واللوعه ليه
فكرك دي حاجه قليله
-
مسحور خلاص والسحر ماس
ماسك فـ قلبي وجتتي
والشوق ياناس وكأنه كاس
وشربته كله فـ وحدتي
-
مشتاق كتير والشوق خطير
والنار وساكنه مخدتي
والنوم يطير وبقيت أسير
من يوم ماجيتي لحتتي
-
حني عليه
يكفي اللي فيه
ولا انتي لسه مطوله
---------------------
أغنيه شعبيه خفيفه
بقلمي
الشاعر هشام عوض
الجمعه
13 - 11 - 2015 م
ليست هناك تعليقات:
إرسال تعليق