قصيدة/حب الوطن مالك يابلد ليه كدة خاينا وغدارة.
خليتى شبابك كل همهم فى سيجارة.
او أقصى امانيهم يوم يركبوا طيارة.
أو مركبة فى وسط البحر غرقانة.
إن كان هروب ولا بعد عن الأوطان.
أو كان بحث عن الرزق فى أى مكان. يلا يابلد خدى أولادك فى احضانك.
خليهم سهام أن لزم تحمى جدرانك.
علميهم ازاى نزرع ونكبر مزارعنا.
علميهم ازاى نبنى ونعمر مصانعنا.
علميهم يكونوا ضروع فى وش اعادينا.
علميهم ازاى نحافظ على كل شبر فى أراضينا .
علميهم يابلد ويكون تعلمهم من الصغر.
لأن العلم فى الصغر زى النقش على الحجر.
علميهم يمكن فى يوم نرجع تانى زى زمان.
نزرع نبنى نعمر ونحمى سوى الأوطان.
ونزرع بزور المحبة نزرعها فى كل مكان.
ونبعد عننا كل من يوم الوطن عليه هان.
بكدة يابلد تعود لشبابنا الهمة .
لأن الشباب هما وقود الأمة.
ولا يوم تانى يهربوا ويسيبوكى.
ويعيشوا فيكى وهم اللى يحموكى.
شعر/كمال البنا
