فى خيالى بيت المثقف ... كمايجب ويكون .
مهما يكون الموقف ........ لمعنى الثقافة يصون.
بيؤدى واجبه بضمير ... وعمره للضمير مايخون.
ومع الصغير والكبير .... مفيش مجال لظنون.
سواء غنى أو فقير ..... إحترامه للجميع مكنون.
صاحب مبادئ مثقف ... فى ثقافته إيجابية .
يختار كلام ألطف ........ وقت النقاش غية .
تغلب مبادئه عليه ........ فى ثقافته حنية .
هية الثقافة إيه ........... غير لين وشدية .
يامثقفين قولوا ............ بيت الثقافة فين .
وانا اروحله وأزوره ..... وانتوا تكونوا حاضرين.
بيوت الثقافة فين ....... قولوا يامسؤلين .
وفين رسالتكم ............ اللى بيها قايمين .
هتشاوروا عالبنايات .... وهى خاوية م العارفين.
ياما زمان صالونات ..... روادها معروفين .
كانت ليهم ندوات ....... ثمارها كنز ثمين .
فى الرأى إختلافات ..... وف الود متحدين .
أنا باستغيث بيكم ....... يامثقفين قولوا .
إيه يعنى دا ليكم ....... بعرضه وبطوله .
أى كلام باكتبه ........... من وحى فى خيالى .
لا باعده ولا بأحسبه..دى خواطر بتجول ف بالى.
يامثقفين البلد ........... لبها حقوق فيكوا .
صيانة حقوق البلد ...... واجب فى رقابيكوا .
أنا لية بنت وولد .......... بيوثقوا فيكوا .
جمهورعريض فى البلد ... بيسمع كتير ليكوا .
وأطفال كتير تتولد ....... وتسمع حكاويكوا .
مين أولى منكوا ببلد ..... مهد وسكن ليكوا .
ردوا جميل لبلد ............ له دين فى رقابيكوا .
كل وليد يتولد ............. تنويره واجب عليكوا.
أشرف بيومى البديوى
