إفتكرنى
بقلم الشاعر / محمد سالم
شوف العجب من بين عيون الناس وقولى
هى الدموع إتجمدت ولا هواها عاش فى ضلى
شوف الحنين شوف الأنين ومن بعيد إبقى إفتكرنى
إكتب على قلبك حزين إكتب سجين وإفتكر إيه كان حاصلى
لما كان توب العدم والخيانة والندم والألم صوته يحاصرنى
لما شد الحزن عودوه لما كان خالف وعودوه وكان حاكمنى
لما ماتت فيا روحى لما زاد الخوف جروحى لما نبضى كان ظالمنى
لما عشت سنين عليل جوة حلم وكان بخيل لما زمنى كان هادمنى
لما فات الوقت نار لما كان الفرح عار برجع ألقى الموت فاهمنى
محمد سالم
