والله حرام
-----------
للشاعر / الشريف أبو عباده
والله حرام
أول كلام كان انسجام
والراحه كانت وسطنا
ونهار وليل يحلى الكلام
والوقت كان مايهمنا
نبدأ نقول بينا السلام
وكلامنا يسرق وقتنا
البدر راح والصبح قام
والفجر أدِن عندنا
الشمس طلعت يلا نام
آخر كلامنا لبعضنا
-
الحال دا عال وياريته دام
كانت حياتنا لوحدنا
من غير دا مال والميل غرام
آه مـ الغرام عني أنا
قالت لقانا بقالنا كام
وانا قلت عاشقك من سنه
وكلامنا أصبح بالملام
ليه الغرام فات عننا
لكن خلاص بعد الصيام
لازم نجمع حبنا
-
طبعاً حلال مش شيء حرام
البيت يدوم ويضمنا
يعني تكون ليا المدام
ويكون ولادنا فـ حضننا
خلص الكلام عام بعد عام
والدنيا أخدت مننا
راح الغرام تاه الوئام
ونسينا روحنا وعشقنا
والله حرام ننسى الغرام
ونعيش حياتنا فـ همنا
----------------------
بقلمي
الشاعر هشام
الثلاثاء
27 - 10 - 2015م
