--- خواطر الأشعار لمحمد نصار---
محدش يا دنيا فيكى مرتاح
حتى المرتاح مكسور له جناح
حتى الضحكه والبسمه
والشوق واللهفه واللمه
ووشوش بشوشه مبتسمه
مع النصيب والقسمه
جواها برضوا عداب وجراح
إحنا فيكى يا دنيا بنتغرب
وعلى نار الجرح بنتألم
والفرح مش راضى يقرب
ولا حتى يشاور ويسلم
يمكن أحلامنا تكون أصعب
إن إحنا نفهم ونتعلم
إن الخداع فى زمانا مباح
على الإشواك بنمشيها
وبنقول خطوات بنخطيها
يمكن نلاقى أفراح فيها
أو حتى السعد فى لياليها
ونلاقى فى أخر مشوارنا
يكون نصيبنا وقدرنا
مخبى لينا أحلى الأفراح
يا دنيا بجد إحنا تعبنا
والغدر جاى من حبايبنا
وكانوا أعز أصحابنا
وضاع معاهم شبابنا
وأتغير حالهم من حالنا
وزمانا ولا وعدى وراح
محدش يادنيا فيكى مرتاح
حتى المرتاح مكسور له جناح
ليست هناك تعليقات:
إرسال تعليق