كون مرامي:
انت اللي يهمني من شوف كلامي
ومايفز نبض حرفي إلا من خلالك
غيرك يستانس ويعجب بوئامي
يشده حرفي ومادرى إنه حلالك
تعال مسير هالساعة وكون مرامي
وحط داخل الحشا نهاية لترحالك
في كل همسة حرفي يقول ضامي
لشوفتك وحضورك ويرويه زلالك
تشوف معاني أبياتي ويبان علامي
لك ولغيرك بس انت اللي تخيم ظلالك
أوصافك ماتفارق بالي ويشدك غرامي
يظل محتار مثل ماتحتار انت بحالك
غايتي يظل الوصل معاك باقي ومدامي
تخيم عليك غيمات حنين ولاتفارق بالك
نار الحشا أشعلتها وتظل في اضرامي
ماتنطفي لأجل تهتدي طريق قلب شالك
انتثر عطر وفاح كنه ياسمين شامي
من يشمه صعب ينساه ويطلع من مجالك
هذا حال الوجد حقيقة ولاهي أوهامي
يعجز الشعر وتطيح كلماته من يهل هلالك
غيري يمل ويغيب الحرف وحبر الأقلامي
بس عندي الوصل دايم يشده غلاك ودلالك
@عزالدين الحميري@
ليست هناك تعليقات:
إرسال تعليق