أشوفَك مِتهَنِّى
شعر/محمود العزب
16/4/2018
يارب أشوفَـك مِتهَنِّى
وبتغَنِّى وبتحِّب حياتَـك
ولاألقَى آلامَـك بِتلومنى
ولاابقَى مرتاح لِسُكاتَـك
واناعاوزَك تِنطَق وتحَقَّق
ياحبيبى جميع أُمنياتَـك
وتزَهزَه عيشتَـك وتفَوَّق
ولاتِيأس من طول مُعاناتَك
ولاقَهرك ولافَقرك يفضَـل
ولاضَهرك ينحنى لِحاجاتَك
وأشوفَك طول عُمرك أرجَل
من كُل اللى استَنُّوا مَماتَك.
ليست هناك تعليقات:
إرسال تعليق