كلنا عبيد الفيس بوك
بقلم الشاعر / أحمد جبر
كلنا نازلين ف بعض شك
الكل بيظهر بغير الوش
وأحاسيس زيف معبية غش
كله بيكتب إسفاف و هلس
تقولش هيعدل اللى متعدلش
واللى عامل حاله بعيد
وهوا باصص لغيره بغل
اللى بيقول على حاله غلبان
واللى قال أنا مظلوم
واللى من المفاجأة مصدوم
واللى عامل حاله حزين
وجواه الفرح بيشر
ودا عشان العين
محدش يحدسه ويؤر
اللى قايم بدور الزعيم
واللى هوا سياسى حكيم
هوا نفسه الإخوانى الصميم
اللى قرفان من التعليم
واللى يينادى بالتدعيم
واللى فاتح صدره مش همه
وحاطط حاله ع المحك
كلنا
..
كلنا البنت الهيمانة
اللى من حبها تعبانة
اللى مش لاقية حبيبها
ومن ضعفها غلبانة
هيا اللى قالت إستحالة
اللى وخداها سكة شجاعة
واللى محت أنوثتها
فى كام كلمة جعجاعة
..
وكلنا الشاب العويل
اللى ياعينى قليل الحيل
صورة بروفايله بشعر طويل
اللى كل الناس بايعاه
والكرامة فيه نأحاه
و اللى كل حكمه مواويل
اللى ف جوازه مقهور
أو لو عازب فى نجوم الليل
..
كلنا بنفضح حالنا
لكل ثانية ف حياتنا
و بقينا عرضة لغيرنا
بنتباهى لكيد عزالنا
الكل عارف قعداتنا
و سفرياتنا بأماكنها
وعن أسرارنا ومشاكلنا
وحتى فى فك زنقتنا
..
كلنا عبيد اللايكات
وملوك رد الكومنتات
للصور والتشيرات
والمواقع والهوايات
و القصص والحكايات
لخبر سعيد و مجاملات
و خبر حزين لمأساويات
..
كلنا أخدناه مثال
وكيلنا حسابنا ب100 مكيال
لغينا واقعنا لجل سجال
وإتمحت عقولنا من الخيال
لحياة عجلة ببدال
..
كلنا .. أحمد جبر
ليست هناك تعليقات:
إرسال تعليق