الطواقي والروس
*************
قعدت أتاجر ف الطواقي
كله عال و كان مدروس
ولاحامل هم الي باقي
ولاشايل هم الفلوس
وفضلت عايش بكابر
وكأني معايا الدروس
والكل ساكت وصابر
لما زهقت مني الروس
ولاّ همي هوالي عافي
ولاّ بالإحباط ملبوس
ولاّ شايله فوق كتافي
ولاّ هو غاوي يدوس
ياهم سيب الفرح ليّا
ولاّ هفضل كده منحوس
ولاّ لسه دايسلك حبة
ولافيا قبضت فلوس
عاوز تعملني مداسك
إرحم ف قلبي المهروس
شوفلك حد تاني مقاسك
اعتبرني طريق ميئوس
سبحانك يارب ياهادي
إهديلي قلبي المنكوس
يمكن علشاني مش راضي
تاهت مني طواقي وروس
ليست هناك تعليقات:
إرسال تعليق