بقلم الشاعر#فهمى_على
** الرحيل **
باب بيفتح
سكة ضلمة
ناس بتصرخ
ليل طويل
دمعة حاضنه خد عيل
خوف
و فرقة
و مستحيل
بكره حالف ما يقابلنى
حلمى اصبح مستحيل
بنت لابسة الحزن طرحة
ليل بيصبح الف ليل
مركبة ... و الموجة عاتية
و الطريق من غير دليل
جرح يكبر كل لحظة
تقل حمل ... و مين يشيل
خنقة ساجنة الروح فى ذكرى
شمس باردة و نور عليل
الف حاجة و كل حاجة
و اى حاجة بيك تميل
ميت سؤال من غير اجابة
و دنيا غابة
لسة فيها كتير هابيل
و احنا بنلف ف سواقى
دايرة .. فى اخرها الرحيل
ليست هناك تعليقات:
إرسال تعليق