إلى كل إعلامى مخادع
للشاعر / شعبان مكي
.....................
مش عايز إشوفك قدامى
قرفت منك و من كدبك
بجد خلاص خلص وقتك
و بان زيفك راحت خدعك
كداب على شكل إعلامى
كنا دايما بنسمع رإيك
دلوقت بس ظهر شكلك
إكتشفناك على حقيقتك
مصالح بتخدعنا بأسامى
ع هواك عايز تشكلنا
ف رإيك بس تسجنا
م إمتى همك بمشاكلنا
قلبك مشغول بمشاغلنا
طب قولى ب إمارة إيه
يمكن ب إمارة ملايينك
حساب ف البنك حارسينك
باللى بتقوله مين حاسينك
قول مرة أنت عملت إيه
تعرف بقيت دلوقت إيه
إراجوز قديم باهت مسخة
م ماضى فات عامل نسخة
بتلعبها دايما لمصلحتك
الكل خلاص حفظ شكلك
وهم عايش ف خيال فكرك
إنسى إن حد يفتكرك
إرجع و عيش عيشه إهلك
.............................. ف 7 / 11 / 2015
من صفحة الشاعر / شعبان مكى شاعر عامية
ليست هناك تعليقات:
إرسال تعليق