لو بطلتو تحبوا بجد
بقلم الشاعر / أحمد المغربي
مكانش الحب اتقرب ليكوا
اصل الحب يدور ع اللي
قلبه بينبض وانتوا... اديكو
ليه بتخبوا غرامكو تملي
والعلامات اهي باينة عليكو
ايوة انا شوفت محدش قالي
من نظرات الشوق ف عنيكو
ياللي قلوبكم وردة تفتح
وسط البساتين فتنورها
لو ف نجوم الليل راح نسرح
فانتم ليالينا وانوارها
انا متعشم القي الدنيا
جوة قلوب مليانة محبة
اه انا نفسي القاكم ثانية
او خلوها ثانية..... وحبة
مانا مشتاق للمسة الحانية
ف تحقق أحلامي الشابة
ياللي رسمتوا الكون ف عنيا
شمس و بحر وبنت جميلة
شمسكو ضي ونور حواليا
وبحر غريق وماليش فيه حيلة
اما البنت خيال ف خيال
وش ملاك وعيونها ..كحيلة
انا من صغري ياناس خيّال
هي كمان كت مهرة.. أصيلة
بس "انا دايب" ...وصف الحال
فأعلني شوقك لو... بجميلة
بقلم/ أحمد المغربي
ليست هناك تعليقات:
إرسال تعليق