محتاجالك
بقلم الشاعره (الأم لولو) نجلاء عزت
محتاجالك..
بس عمري ما قولتهالك
كلمتي بتخاف و قلبي
بيرتعش م ابقللشوق قبالك
وابقى عاوزة اقول بحبك
مشتقالك
بس باهرب جوه نفسي
واكتفي من طيف خيالك
و الحنين يسكن ملامحي
وانت تسأل قلبي مالك؟!
ابقى عاوزة اقول بحبك
بس باهرب من سؤالك
يا اللي بهواك حتى اكتر
م اللي كان يخطر ببالك
كل املي ابقى جنبك
كل املي اكون امالك
آه يا قلبي بادعي ربي
يبقى حاله هو حالك
قبل ما تقوله حكايتك
يجي هو و يحكيهالك
و انهاردة جابلي وردة
والله باين مكتوبالك
وابتسملي وقالي بكرة
دخلتي على بنت خالك
الف مبروك ليك وليها
احمد الله ..
اني عمري ماقولتهالك
محتاجالك
..
الام لولو ( نجلاء عزت )
ليست هناك تعليقات:
إرسال تعليق