بقلم كرم شحات
خليك على عِندك
للأخر
وبراحتك
عِيب أكتر فيا
مش هاعتب
علشان بالساهل
كبرتك ع الناس
وعليا
سكنتك من قلبى
ف نبضه
وبنيتلك
قصر وعليته
دلوقتى خلاص
بقا جه وقته
يتْهد عليا
اللى بنيته
خليك على عندك
للأخر
وتملى كاعهدك
إظلمنى
ون مرة ف يوم
أنا روحت شكيت
إنْكر أفعالك
كدبنى
إديتك
أكبر من حجمك
وربط بقلبك
أحلامى
وفهمت بإنك
مش ذنبك
كان غلطى
أصدق أوهامى
خليك على عِندْك
للأخر
على عِندْك خليك
وبراحتك
من حقك
ببرود تإلمنى
وتفسر ألمى
لمصلحتك
علشان صدقتك
أستاهل
وجرحت سامحتك
بالساهل
فبراحتك طبعاً
وبكيفك
تسأل أو تفضل
مش سائل
ليست هناك تعليقات:
إرسال تعليق