توب المحبة
بقلم محمد ابو الفتح
يااللي من الحريرلابس التــوب والوش عابس بالغرور وربــك والله ده رب قــلــوب
غاسل توبك ماشى تتغندرمتعطرونضافة القلب اهم من نضافة البـدن والــــتـوب
سيبك من الهم و اللي يغم ده كل شيء في النهاية بالـقدر في الكتاب مكتوب
واصبرعلى حقك وطالب ولاتسكت واياك ترضي في الحق ولو يوم تبات مـغلوب
وقول يارب دايما دى كلمة يارب تخللـــــي اي جبار وأي ظــالم يبـــات مـرعـوب
وداري عيونك عن عيوب الخلق وبص في المراية حتلاقي نفسك كـلها عيـــوب
وخليك صابر علي بلوتك وخليك فاكر استاذ الصبر جدي وجدك الكبيــرأيــــــوب
واتواضع لربك ده كله في التراب بيتساوي زبيبة زى عبلة وعنتر وأخوه شيبـوب
واعمل الخيروما تنتظر كلمة شكر من بشر ده عند البشر دايما الميزان مقلوب
واوعي يغرك المال ده صاحب القلب الابيض بس من ربه ومن العبــــاد محبوب
ده صاحب المال لما يفلس تلاقي كل البشر حتي الخسيس بيحدفه بالــطوب
والحق لنفسك توبه قبل النومه يا ناصح ده احنا بشر وكل البشرمليان بالذنوب
دي الدنيا فانية وقيامة قايمة يا خلق وعند ربك بس ميزان بالعـــدالة منـصــوب
واياك تغرك عزوتك والاياحلو طلعتك يومها لاخال ولاعم في الحساب حــــينوب
محمد ابو الفتح
ليست هناك تعليقات:
إرسال تعليق