في جسدين
للشاعر / فاروق ابراهيم النجار
فى جسدين
صبحنا بعاد عن بعض
اتنين مفترقين
خلف جدار الصمت
محبوس الانين
صوته مدفون تحت
فى اعماق السنين
بيبكى بحرقه وكبت
محروم من الحنين
بلت دموعه الارض
والناى الحزين
بيعزف كأنه ف عرض
لناس ميتين
كاره شفايف الورد
دبلان العينين
مستنى يوم الوعد
لاجل يوفى الدين
بعد الامل ما تهد
واتقتل الجنين
ما بين صد ورد
وعيون عميا نين
ويأس ما لهوش حد
بيشل الايدين
وقلب مل وجض
بقى يائس حزين
كل شىء اتهد
واتفرقو القلبين
.............
أفكار .... فاروق ابراهيم
ليست هناك تعليقات:
إرسال تعليق